1993ஆம் ஆண்டின் இறுதிக் கட்டத்திலும், 1994 ஆம் ஆண்டிலும் தோழர்களிடத்தில் கண்ட வீறுகொண்ட உணர்ச்சியையும் எழுச்சியையும், கடந்த ஒருமாத காலமாக மேற்கொண்டுள்ள என் பயணத்தில் காண்கிறேன்.

என்னிடம் சுயநலம் இருந்திருந்தால், இந்த இயக்கம் தோல்விகளில் சிதறிப்போய் இருக்கும். என்மீது நம்பிக்கை கொண்டு, இந்த இயக்கத்தின் தலைமைப் பொறுப்பை என்னிடம் ஒப்படைத்தீர்கள். பொதுச் செயலாளராக ஆக்கினீர்கள். என்னிடம் துளி அளவேனும் சுயநலம் தலைதூக்கி இருக்குமானால், என்னையோ என் குடும்பத்தையோ அது வளம்பெறுவதற்கு இந்த இயக்கத்தின் பதவிகளை குடும்ப அரசியலுக்குக் கொண்டுபோகின்ற எண்ணம் ஒரு மூலையில் துளிர்விட்டு இருக்குமானால், இந்த இயக்கம் இந்தத் தோல்விகளில் நொறுங்கிப்போய் இருக்கும்.