போட்டியிட்ட அனைத்துத் தொகுதிகளுக்கும் இருந்த வாய்ப்பையும், நேரத்தையும் சமமாகப் பங்கிட்டுக் கொடுத்த, மனசாட்சி உள்ள தலைவராக வைகோ விளங்கிய காரணத்தினால்தான் வெற்றி தோல்விகளைப் பற்றி கவலைப்படவில்லை, தன்னலம் கருதவில்லை. சிவகாசி நாடாளுமன்றத் தொகுதிக்கு வெறும் 4 மணி நேரமும், விளாத்திக் குளம் சட்டமன்றத் தொகுதிக்கு 2 மணி நேரமும்தான் வேட்பாளரான வைகோ ஒதுக்கினார்.

இன்றைய முதல் அமைச்சர் என்மீது சுமத்தும் குற்றச்சாட்டும், வீசும் பழிச்சொல்லும், ஜமுக்காளத்தில் வடிகட்டிய பொய்கள்

கட்சியில் இருந்து விலகிச் சென்றவர்கள் ம.தி.மு.க. தொண்டனின் 15 ஆண்டுகால உழைப்பை உறிஞ்சி, உல்லாசம் எனும் பதவிகளை அனுபவித்துக் கழித்தவர்கள்தானே அன்றி, இயக்கம் வளர தம்மை ஓடாய்த் தேய்த்துக் கொண்டவர்கள் இல்லை. அதனால்தான் பதவிப் பித்தர்களின் விலகல்கள் மறுமலர்ச்சி தி.மு.க.வை காயப்படுத்த முடியவில்லை!